PEDRO ALLO CASTRO, TRABAJADOR POR CUENTA AJENA ¿Cando imos ter en Galicia un circuíto de velocidade para poder correr na comunidade, porque xa hai, polo menos, uns cinco campos de fútbol por cada concello galego?

Alberto Núñez Feijoo

«Analizaremos a viabilidade»

«Esta é unha petición que coñezo, sobre todo dos deportistas do norte da comunidade. Tíñamos iniciado un estudio de viabilidade para facer un circuíto para poder practicar ese deporte na provincia de Pontevedra. En caso de chegar ao Goberno da Xunta de Galicia, temos pensado actualizar ese estudo e, unha vez rematado, a intención é presentalo ante toda a sociedade galega. Unha vez feito, tomaremos unha decisión en relación a este tema antes da metade da lexislatura».

Emilio Pérez Touriño

«Fomentarei o deporte base»

«É certo que compre consolidar outras disciplinas alternativas fronte aos deportes maioritarios que hai en Galicia. Pero convén recordar que a creación dun circuíto de alta velocidade no concello de Cerceda, na Coruña, foi un proxecto incumprido polos Gobernos do PP. En todo caso, dende o Grupo Socialista somos partidarios de fomentar tódalas variedades deportivas e, moi especialmente, o deporte base que está dirixido aos máis pequenos».

Anxo Quintana

«Estudaremos o seu impulso»

«Dende o BNG somos sensibles á forte demanda que existe a prol dun circuíto galego de velocidade e que está canalizada a través da ??Plataforma pro circuíto galego de velocidade?? e somos conscientes tamén dos esforzos que os afeccionados aos deportes de motor teñen que facer, desprazándose ao circuíto de Braga ou incluso a Estoril ou ao Jarama. Polo tanto, estudaremos en colaboración doutras Administracións o impulso a esta infraestrutura».