Leticia Santos aspira a gobernar tras eleccións municipais
21 mar 2015 . Actualizado a las 05:00 h.Leticia Santos Paz foi campioa de taekuondo e hoxe, a seus 30 anos esta licenciada en Administración de Empresas traballa como directora comercial dunha compañía. A candidata do BNG presentou onte a se equipo no peirao de O Con.
-¿Por qué decidiu presentarse como candidata do BNG?
-Ante a decisión de Millán de non volver presentarse, os compañeiros mo propuxeron e eu consultei coa miña parella e aceptei.
-¿Teñen algunha enquisa de resultados posibles?
-Non, pero aspiramos a recuperar o goberno.
-Pero existe o perigo de que pase o que ocorreu no 2011, que o PSOE non apoie. ¿Falaron con eles?
-Non tivemos conversas. BNG se presenta coas súas siglas, coas asembleas abertas de xente que non milita pero considera que o único proxecto alternativo.
-Parece que non hai moitas candidaturas de esquerda en Moaña.
-Aquí se presentan os partidos tradicionais.
-¿Como valora a xestión do Concello?
-Nos últimos catro anos, faltou xestión. Abandonaron as instalacións públicas. Hai un desgoberno.
-¿Por que cre que dimitiron varios concelleiros?
-Hai falta de equipo e de ganas de traballar. Nós, polo contrario, presentamos xente moi formada e con ganas de desenvolver o seu labor.
-¿Que faría vostede para potenciar o emprego?
-Ofertar obradoiros para xente desempregada, descolgada do mercado laboral para que poidan volver. Hai que axudar o autoemprego e aproveitar os nosos recursos vencellados ao mar.
-¿Que pensa do proxecto de prolongar o paseo marítimo?
-Estamos dacordo cun paseo, pero non a calquera prezo. Temos que conservar as carpinterías de ribeira.
-¿Que opina do desdobramento da vía rápida?
-Controlaremos moito como se fai a obra e como se respecta o entorno.
-¿Cal é o seu primeiro compromiso se chega a ser alcaldesa?
-Poñer o Concello a funcionar, rematar o Plan Xeral.