25 feb 2015 . Actualizado a las 10:36 h.
A programación da semana previa á Festa do Queixo continuou onte en Arzúa coa apertura do terceiro ciclo de cinema clásico, que ofrecerá mañá a proxección do filme de suspense 12 hombres sin piedad, de Henry Fonda. O telecentro da localidade acolle, ás sete da tarde, o pase dos filmes, que é de acceso gratuíto e que se pechará o venres con Toma el dinero y corre, a primeira película dirixida e protagonizada por Woody Allen. Ao igual que en anteriores edicións, o ciclo de cinema clásico que forma parte da programación da Festa do Queixo contará coa presenza do xornalista e crítico cinematográfico Moncho Lemos, que hoxe estará cos alumnos do colexio Atocha para falarlles do programa.