Girls of Paradise é unha web francesa na que se ofrecen os «servizos dunha acompañante»: mozas guapas, sexis, vestidas e maquilladas de modo provocativo que ofrecen ao cliente na súa páxina, ademais das súas fotos, datos sobre as súas medidas, peso, e trazos de carácter do tipo: «son unha viciosilla moi natural, gústanme os xogos eróticos», etcétera, etcétera. O cliente escolle, e empeza a chatear coa moza, ou falan por teléfono, e cando chega o momento de concertar a cita, unha voz dille: «Non vas poder vela porque a atoparon morta no departamento no que recibía aos seus clientes... Foi asasinada de 53 puñaladas. Queres ver outras fotos?»... Iso é o que o cliente vai atopar con calquera moza que escolla. Todas a girls of Paradise están mortas, asasinadas polos seus clientes, ou se suicidaron por non soportar a súa situación. A web foi creada por un grupo que loita para abolir a prostitución e forma parte dunha campaña para que os homes tomen conciencia do papel que teñen no mantemento desa situación de escravitude da muller. O vídeo é duro, pero creo que vale a pena entrar nel (www.girlsofparadise.sex).
Por certo, en Francia, en abril deste ano votouse unha lei que penaliza aos clientes de prostíbulos, sumándose a Suecia, Islandia, Canadá, Singapur, Sudáfrica, Corea do Sur, Irlanda do Norte, Noruega e Finlandia, onde se penaliza aos clientes, non ás mulleres, ás que consideran vítimas.