O poeta foi distinguido co premio Trapeiro de honra
18 abr 2015 . Actualizado a las 23:31 h.O poeta Xosé María Díaz Castro (1914-1990) segue a recoller premios, homenaxes e lembranzas neste 2015. A proba estivo no acto celebrado este mediodía en Guitiriz, no que ao poeta se lle entregou o premio Trapeiro de honra, concedido na parroquia dos Vilares por iniciativa do proxecto Os Vilares, lareira de soños.
O autor de «Nimbos», de cuxo nacemento se cumpriron cen anos no 2014 e que protagonizou a pasado Día das Letras Galegas, veu ao mundo no barrio do Vilariño, pertencente a esa parroquia. O poeta non perdeu nunca o vencello coa terra de orixe malia vivir moitos anos fóra da comarca e de Galicia, e a Asociación Cultural Xermolos, que garda un amplo fondo documental seu, tenta recuperar a casa natal para espallar o seu legado. O premio foi recollido polo coordenador de Xermolos, Alfonso Blanco, e gardarse, canda outros materiais relacionados co poeta, na Casa das Palabras.