O PP insite: «Non apoiaremos que na Deputación se meta pola porta de atrás a oito novos asesores»

Prorrogar o orzamento da Deputación de Lugo para este ano «evidenciaría a incapacidade do presidente», Darío Campos. Así o pon de manifesto o grupo provincial do PP que afirma que botará man de todos os mecanismos xurídicos ao seu alcance para defender os intereses da provincia e dos lucenses. «Dixemos que lle queda grande o posto que ostenta na institución e o tempo estanos a dar a razón. Igualmente, non imos permitir que a súa incapacidade paralice os proxectos pendentes nesta provincia», explica a voceira dos populares, Elena Candia. 

O Grupo Provincial do PP na Deputación recorda que o pleno é soberano para poder tomar decisións, polo que farán uso dos mecanismos xurídicos que sexan precisos para defender os intereses da provincia, pese á incapacidade do bipartito para sacar adiante os presupostos. «Non podemos apoiar un orzamento no que non se inclúen as emendas do PP aprobadas en Suplusa e se trata de meter pola porta de atrás a oito novos asesores, pese a que existe un acordo do pleno de organización para a contratación de persoal que agora queren ocultar», engadiu a voceira.

«Os lucenses non teñen culpa da situación que PSOE e BNG veñen de crear, polo que o PP comprométese a seguir traballando para que os concellos da provincia e os seus veciños e veciñas poidan ver atendidas as súas demandas», expresou a expresidenta Elena Candia. 

---

---