A entidade vilalbesa entregaralle o título de socio de honra
24 nov 2015 . Actualizado a las 13:30 h.Uxío García Amor, crego que forma parte da unidade pastoral que atende parroquias en varios concellos chairegos, será homenaxeado polo Iescha o venres. En Vilalba (Casa da Cultura, oito e media da noite) recibirá o título de honra da entidade, aínda que antes presentarase un libro de poemas seu, «Versos en mi vida». O cóengo Félix Villares e o presidente do Instituto de Estudos Chairegos, Manuel Castro Santamariña, intervirán no acto ademais do protagonista da homenaxe.
Uxío García Amor, nado no concello de Trabada, desenvolveu unha variada traxectoria en Mondoñedo (profesor do Seminario, mestre de capela da catedral, director do Orfeón da Sociedade de Obreiros...) e na diocese (delegado de Cáritas, administrador tras a renuncia de Miguel Anxo Araúxo, párroco das Pontes...). En Vilalba non só exerce o seu labor como crego senón que ademais dirixe a Coral Polifónica Vilalbesa. No 2012 foi nomeado Chairego de honra.