No concurso poden participar todos os rapaces da comarca da Terra Chá
23 abr 2014 . Actualizado a las 16:03 h.O departamento de Cultura do Concello de Vilalba vén de facer públicas as bases do certame literario das Letras Galegas 2014. Está dirixido a todos os rapaces da comarca da Terra Chá e do municipio de Vilalba. O prazo de admisión dos traballos rematará ás dúas da tarde do día 12 de maio, segundo informa o concelleiro José María García-Leira.
O certame entregará seis galardóns. O premio Manuel Mato Vizoso, para rapaces de 15 a 18 anos, dotado con 210 euros, e de tema libre; o premio Xosé María Chao Ledo, para rapaces de 15 a 18 anos, para o mellor poema inédito en galego.
Ademais, só poderán participar os mozos do Concello de Vilalba nos premios Xosé Lois García Mato, para menores de 15 anos, en prosa galega e tema libre; García Hermida, para menores de 15 anos, para o mellor poema inédito en galego; o Carmiña Prieto Rouco, para menores de 10 anos en prosa; e o Xosé María Díaz Castro, tamén para menores de 10 anos ao mellor poema inédito.