O que debes saber da doazón de sangue

Comezamos o panel de hoxe non só fixándonos nos temas máis debatidos sobre a doazón de sangue no referente á organización das campañas, senón tamén seleccionando especialmente aqueles temas que son de maior interese para os alumnos, o seu coñecemento e as súas actitudes ante un feito tan importante no que todos estamos implicados, uns pola posibilidade de doazón e outros, a maioría, pola necesidade urxente que supoñen as transfusións de sangue en momentos críticos de saúde, que todos podemos padecer.

.As doazóns de sangue dos galegos acadan a recomendación da OMS
As doazóns de sangue dos galegos acadan a recomendación da OMS

14/06/2017 05:00 h

 

O sangue é indispensable para vivir. O seu papel é tan esencial que a diminución do seu volume ou a alteración dalgunha das súas funcións poden pór en perigo a supervivencia do organismo; é dicir, o sangue é sinónimo de vida porque non existe vida sen ela. A doazón de sangue, xesto xeneroso e desinteresado, é neste momento a única forma de salvar a vida ou recuperar a saúde para calquera persoa que sufra un déficit de compoñentes sanguíneos.

Le a seguinte información introdutoria para entender non só un pouco máis cada un dos seis temas, senón tamén as súas ligazóns principais: goo.gl/uzhN4p

Galicia logra no 2016 máis de 111.200  doazóns de sangue

Padrón é o concello que ano tras ano consegue unha maior taxa de doazóns, superando o centenar por cada mil habitantes. Os galegos realizaron no ano 2016 un total de 111.276 doazóns de sangue, unha cifra coa que a comunidade alcanza as recomendacións da OMS -entre 40 e 60 extraccións por mil habitantes-, como fixo nos últimos dezasete anos. Por provincias, A Coruña e Pontevedra alcanzan esta recomendación, e Lugo e Ourense non. Por concellos chama a atención o caso de Padrón, que ano tras ano se converte no municipio cunha maior taxa de doazóns, superando o centenar por mil habitantes. (Segue a noticia na web; La Voz, 25/5/2017).

  • ACTIVIDADES: O perfil do doante en Galicia é o dun home que vive nun concello de máis de cinco mil habitantes e de mediana idade. ¿Coñeces a alguén que doara sangue algunha vez?
  • Ao ser os grupos sanguíneos maioritarios na poboación A positivo e 0 positivo, ambos concentran o 72,6 % das doazóns. ¿Que significa A positivo, 0 positivo? ¿Existen máis clasificacións?

Escolares de Ribeira participan nun  plan piloto para fomentar a doazón  de sangue

O municipio ribeirense foi escollido pola Axencia Galega de Doazón de Sangue para impulsar unha experiencia piloto encamiñada a fomentar a doazón de sangue. A iniciativa enmárcase na campaña Mensaxeiros Solidarios e ten por obxecto sensibilizar á poboación sobre a importancia de colaborar nesta acción solidaria. A intención é que xa desde pequenos os rapaces sexan conscientes de que a achega de sangue salvo vidas. (Segue a noticia na web; La Voz, 1/2/2017).

  • ACTIVIDADES: Para que a cifra continúe crecendo e cada vez sexan máis, repartiranse entre os escolares 1.100 exemplares dun conto dos Bolechas titulado «Papá Bolechas doa sangue».
  • Que publicades no teu colexio?

O TEST DA OMS

Canto sabes sobre a doazón de sangue?

  • Podo doar sangue a calquera idade.
    • Verdadeiro
    • Falso
  • Se doo sangre corro o risco de adquirir enfermidades transmitidas polo sangue, como a infección polo VIH ou a hepatite B ou C.
    • Verdadeiro
    • Falso
  • O volume de sangue extraído en cada doazón é de:
    • 450 mililitros
    • 1 litro
    • 5 litros
  • Con que frecuencia podo doar sangue?
    • Cada 4 meses
    • Unha vez ao ano
    • Cada 2 anos
  • Antes de doar sangue debo:
    • Comer o habitual
    • Beber moitos líquidos
    • Non beber nin comer
  • A picada da agulla para sacarme sangue será moi dolorosa:
    • Verdadeiro
    • Falso
  • As doazóns máis seguras son as que proceden de:
    • Doantes voluntarios non remunerados
    • Doantes familiares ou achegados
    • Doantes remunerados

 

  • Nesta dirección atoparás o test e as respostas correctas: goo.gl/xDUVxp

 

 

 

 

 

 

n Podo doar sangue a calquera idade.

r Verdadeiro

r Falso

n Se doo sangre corro o risco de adquirir enfermidades transmitidas polo sangue, como a infección polo VIH ou a hepatite B ou C.

r Verdadeiro

r Falso

n O volume de sangue extraído en cada doazón é de:

r 450 mililitros

r 1 litro

r 5 litros

n ¿Con que frecuencia podo doar sangue?

r Cada 4 meses

r Unha vez ao ano

r Cada 2 anos

n Antes de doar sangue debo:

r Comer o habitual

r Beber moitos líquidos

r Non beber nin comer

n A picada da agulla para sacarme sangue será moi dolorosa:

r Verdadeiro

r Falso

n As doazóns máis seguras son as que proceden de:

r Doantes voluntarios non remunerados

r Doantes familiares ou achegados

r Doantes remunerados

n Nesta dirección atoparás o test e as respostas correctas: goo.gl/xDUVxp

O TEST DA OMS

Canto sabes sobre a doazón de sangue?

Votación
0 votos
Comentarios