Acaba de recibir o primeiro premio do concurso de viñetas para a igualdade convocado pola Deputación da Coruña. Cristian Fojón Caruncho (Ortigueira, 1997) suma un recoñecemento máis a súa corta, pero prometedora traxectoria.
-É o último, pero non o único premio que acadou.
-De feito, este xa o gañei en outras dúas ocasións, pero recibino coa mesma ledicia. Neste caso, foi por unha creación na que falo da igualdade no ámbito educativo.
-¿En que campo da ilustración se sente máis cómodo?
-No da banda deseñada, dende pequeno é o que máis me gusta. Dende fai catro anos xa teño o meu propio fanzine. Invento historias, debúxoas, imprímoas e vendo os meus libriños por aí.
-¿Como é o proceso?
-Agora mesmo traballo nunha serie de historias ambientadas nunha típica aldea galega, Historias de Rego Torto. O primero que fixen foi inventar ao protagonista, un típico vello galego que se chama Salustio de Rego Torto. En cada cómic que vou creando enfróntase a novas situacións. Por exemplo, no primeiro, Construcción en Rego Torto, Salustio loita cuns constructores para que non lle expropien unhas terras.
-¿Que outros asuntos trata?
-Teño o de Marcos no que aparece o típico problema cando un move os marcos dunha finca. O terceiro, co que recibín dous premios, titúlase O home que liberou a Fraga e trata da invasión dos eucaliptos. O último foi Salustio e a festa nacional.
En la dirección web alecrinsetintachina@blogspot.com
mangadecristian@gmail.com