Di que a liña de traballo é a mesma, pero agora cun xogo menos mecánico
09 oct 2012 . Actualizado a las 14:04 h.Catro partidos cun balance de tres vitorias e un empate, o conseguido diante do Barça, falan dun extraordinario arranque de curso do Santiago Futsal. Con vento de cola, o equipo está voando. E véselle máis atrevemento para inventar.
-Pregunta tópica para empezar. ¿Cal é a chave deste bo inicio de campionato?
-Seguir co traballo destes anos. A variante deste ano é que Santiago danos máis liberdade para xogar. Pero a filosofía segue a ser a mesma. Por iso empezamos ben.
-Aí ía eu, colectiva e individualmente. Vostede mesmo, vendo o resumo de Segovia, parecía Alemao.
-Santiago danos esa confianza de xogar como sabemos, dános liberdade. Con Tomás había máis xogadas prefabricadas, era un fútbol máis mecánico.
-O venres chega o Puertollano de Frois. O porteiro de Sar estivo a piques de marcarlle ao Ríos.
-Vimos un pouco do partido. Xusto no momento en que fixo a xogada estabamos véndoa todos. Foi unha risa. Case lle sae.
-E que fixo unha finta nada doada.
-Foi incrible. Faino nos adestramentos, e se o adestrador lle deixa, el inténtao.
-Agora o obxectivo é chegar ao parón no máis alto da táboa.
-Si, non podemos fallar agora. Non valen escusas. Hai que gañar como sexa. Estamos nuns postos privilegixiados que non pensabamos ao principio.
-¿Nótanse as baixas e, por ende, o menor número de rotacións? Parece que as acusaron máis co Azkar que en Segovia.
-Tamén depende do partido. Quizá en Segovia a xente atopábase mellor fisicamente. Santiago pregúntanos ao longo do partido, porque hai que alargar o tempo en pista pero sen que se resinta o equipo.
-Coido que vostede xa chegou oito minutos seguidos en Tudela, todo un rexistro.
-Non o sei. Naquel partido tivemos a mala sorte da lesión de Hugo ao principio. O normal é estar tres minutos e medio ou catro. Se hai que estar máis, estase. Pero Santiago sempre nos di que ten que ser ao cen por cen na pista.
-¿Que referencia ten do Puertollano?
-Creo que baixou o nivel respecto ao ano pasado, pero é un conxunto atrevido, con moita xente que se quere dar a ver na categoría, e cun adestrador con experiencia na Liga.
luís lópez, lucho xogador do santiago futsal