Os actos serán esta fin de semana no auditorio Gabriel García Márquez
12 jun 2017 . Actualizado a las 20:34 h.A Escola Municipal de Danza e a Escola Municipal de Música celebran esta fin de semana os seus respectivos festivais de fin de curso no Auditorio Gabriel García Márquez. O espectáculo de danza contará con dous pases, un o venres ás 19:00 horas e outro o sábado ás 12:00 horas. O festival de música será o sábado ás 19.30 horas.
O espectáculo Noite de cine, da Escola Municipal de Danza, contará coa participación do alumnado de Danza Clásica, Street Dance, Danza Contemporánea e Danza para Adultos. Realizarase un percorrido polas bandas sonoras das películas máis importantes do cine: Os Goonies, A ponte sobre Río Kwai ,Chicago, Harry Potter, O piano, A lista de Shindler, Horizontes de grandeza, Cantando baixo a choiva, Misión Imposible, Step Up, Xogo de tronos, Star wars e Piratas do Caribe.
Xa o sábado pola tarde será o concerto da Escola Municipal de Música. Colaborarán entre si varias agrupacións da Escola Municipal de Música como a Orquestra Sinfónica, a Colectiva de acordeóns e o Coro de voces Brancas, a agrupación de folk, coros...Na primeira parte a Colectiva de guitarras tocará Ballad to Guivenere e Andante grazioso, o Grupo de trompetas Fanfare for a Victory-Grand March (Aida) e A vida é bela e o grupo de percusión Guantanamera e Manisero. Na segunda parte a orquestra Infantil representará Suite americana, Old Joe Clarke, Go tell Aunt Nancy , Skip to my Lou e Liza meet Polly at the races! e a Orquestra Sinfónica Pizzicato Polka (do Ballet Sylvia), Engines of resistance, Forrest Gump Suite, Caresse sur l'oce?an, Vois sur ton chemin, Bella e Bestia e Do re mi (Sonrisas y lágrimas).