O Manuela Rial e o Pablo VI Fátima, rivais en cuartos de final

La Voz

CEE

Á esquerda, os alumnos de Cee nos estudios de Radio Voz Bergantiños; á dereita, os rapaces de A Rúa celebran a súa vitoria nos oitavos de final.
Á esquerda, os alumnos de Cee nos estudios de Radio Voz Bergantiños; á dereita, os rapaces de A Rúa celebran a súa vitoria nos oitavos de final. fotos: m.rey / diana rodríguez< / span>

Achégase o momento da verdade no «Ecopreguntoiro»

30 mar 2015 . Actualizado a las 05:00 h.

Achégase o momento da verdade. Dos dezaseis centros que comezaron o Ecopreguntoiro, só quedan oito con opcións de levarse a vitoria. O pasado venres celebrouse a última eliminatoria dos oitavos de final. Nela competían os alumnos do Pablo VI Fátima de A Rúa de Valdeorras e os Escolapios de Monforte de Lemos. Os ourensáns impuxéronse por oito puntos a cinco. E como foron os últimos en pasar a cuartos, xa coñeceron de inmediato ao seu rival na seguinte rolda do concurso. Será o Manuela Rial Mouzo de Cee, que venceu na pregunta rápida fronte os estudantes de A Guía, de Moaña. Desta maneira, xa queda composto o cadro dos cuartos de final.

Pero antes de retomar a competición, os alumnos dos colexios participantes poderán tomar un pequeno descanso para repoñer forzas e estudar, xa que Ecovoz non se emitirá este venres. Polo tanto, o programa do medio ambiente volverá ás ondas o día 10 de abril. Ata entón, ¡a disfrutar das vacacións!