Xoán Manoel Sande cre que "a situación está estancada"
04 jun 2017 . Actualizado a las 05:00 h.Xoán Manoel Sande considera que a chegada de Inditex a A Laracha «é unha boa nova porque o polígono estaba desértico, pero non se debe á xestión do goberno».
-¿Como valora a acción de goberno desde o 2015?
-Creo que a situación está estancada. O goberno dedica máis esforzos á propaganda que á xestión e non hai iniciativas para desenvolver sectores económicos moi importantes como o agrogandeiro. Podían impulsar o banco de terras, servir de intermediarios. Tamén no comercio. Que non se limiten a apoiar o que está ben, como o que fai a asociación de comerciantes cada ano ou a asociación de horticultura, que funciona ben nese ámbito. Hai tempo que demandamos unha concellería de Promoción Económica e crearona neste mandato, pero sen contido político e orzamentario. Levamos seis anos pedindo un viveiro de empresas e agora piden unha subvención á Xunta para a creación dun. Non será por insistencia. Rexeitaron a nosa demanda porque dicían que era moi caro e puxérono na propaganda electoral no 2015.
-¿Que é o que máis lle preocupa?
-Vimos nos últimos anos padecendo unha caída de poboación, que non debería ser pola nosa situación xeográfica, tan cerca de A Coruña. Poderiamos ter medrado máis. Deberiamos ter mellores comunicacións, pero temos a única autovía de España con peaxe. Todos sabemos que cando hai feira en Paiosaco podes estar unha hora para cruzar o pobo. É importante a poboación porque a farmacia de Paiosaco está máis lonxe.
-¿Hai algo positivo?
-Os servizos van funcionando, pero polo bo facer dos traballadores. Vai moi ben o CIM e os servizos sociais