O guía de Dombate explica o percorrido do Día da Bicicleta
04 may 2016 . Actualizado a las 05:00 h.Ángel Eiroa é un bo coñecedor de Borneiro, donde está o dolmen de Dombate, centro do primeiro Día da Bicicleta que organizan este ano Radio Voz e La Voz de Galicia.
-¿Como é o percorrido?
-A parroquia permite un percorrido circular, empezando e rematando en Dombate, lonxe de estradas principais que é mellor evitar. Tamén facemos aí a carreira popular en setembro. En Borneiro sempre houbo moita vida, desde o neolítico ata o de agora, pasando pola Idade de Bronce e a cultura castreña.
-A xente que aínda non o coñeza pode aproveitar para visitar o dolmen.
-É unha desculpa para xente que non lle cadraba de vir. Eu vou ir co grupo ciclista pechando o pelotón, pero Virginia Ameijenda vaise ocupar de atender aos visitantes. En torno ao dolmen, que é principio e fin do percorrido, sempre quedan familias e xente que agarda que remate y percorrido. O certo é que esta é unha actividade de turismo activo ou deportivo no que se aproveita para o cultural.
-¿Son precursores desde tipo de actividades?
-Non, xa está todo inventado. En Itálica, en Sevilla, faise algo semellante e tamén en Atapuerca. Hai en Valladolid unha ruta cicloarqueolóxica tamén. Estas cousas fanse en moitos lugares.
-Este é o segundo ano no que se parte de Dombate.
-Si, é a segunda vez que se fai, desde que temos o convenio coa Deputación para a xestión cultural do dolmen. En Cabana xa houbera percorridos en bicicleta nos anos 90 e despois pararon no 2000. Agora aproveitamos o tirón de Dombate.