Alumnos do CPI O Cruce de Cerceda trasladáronse o pasado xoves ao complexo medioambiental de Sogama para adentrarse nas súas instalacións e formarse no eido da reciclaxe. Esta visita enmarcouse na campaña autonómica Separemos ben, reciclaremos mellor, promovida pola Consellería de Medio Ambiente e Sogama, e que conta coa colaboración de Ecoembes, Ecovidrio e os Sistemas Integrados de Xestión de Pilas (Ecopilas, Ecolec e ERP).
A actividade das instalacións centrais de Sogama non resulta allea aos escolares cercedenses, toda vez que creceron na súa contorna e moitos deles teñen a familiares traballando na mesma planta. Saben onde están emprazadas e coñecen o seu labor, pero non tiveran a oportunidade de visitalas por dentro ata o pasado xoves.