O Seminario de Estudos Comarcais realiza estes días unha viaxe por Francia, Bélxica e Luxemburgo
27 ago 2014 . Actualizado a las 07:00 h.As grandes catedrais góticas, os principais escenarios da Gran Guerra e os encaixe son algúns dos motivos dunha nova viaxe do Seminario de Estudos Comarcais da Costa da Morte. No percorrido, que comezou o mércores 20 de agosto, participan medio centenar de persoas, na súa maioría profesionais do ensino. De Vimianzo a Bergerac, así titulou Xosé María Lema Suárez este desprazamento, en boa parte por outra fachada Atlántica.
Angers, a Costa Florida, a Costa de Alabastro, Rouen e a súa catedral tantas veces pintadas por Monet, foron algúns puntos de parada da expedición. O sábado pasado viron en Amiens (na Picardía) a catedral máis ampla de Francia e en Bruxas , entre outras cousas, comprobaron o valor que se lle dá ao encaixe, unha artesanía que se vende en tendas ubicadas nas mellores tendas desta cidade flamenga.
Apuntes históricos
Lema Suárez explica aos participantes o principais puntos históricos en relación cos lugares visitados, e máis vai facendo apuntamentos en relación aos monumentos incluídos no programa.
O gótico é o gran protagonista da viaxe. Construcións como as catedrais de Amiens, Bruxas, Ruen, Angers, Malinas ou Amveres, así como o consistorio de Malinas, a Torre da Atalaia de Bruxas deixaron admirados aos viaxeiros, que tamén estiveron pola cidade natal de Carlos I, Gante, onde moitos pasearon en barco polos seus canais.
Os excursionistas comprobaron o rastro que aínda queda nesta rexión europea da Gran Guerra e máis as testemuñas que se manteñen nalgúns edificios históricos da Primeira Guerra Mundial, un século despois. Mesmo na praza do Concello de Malinas hai unha gran alfombra floral conmemorativa.
A viaxe do Seminario continuará este vindeiro sábado, despois de visitar Bruxelas, Luxemburgo e algún escenario da Guerra de 1914.
PROXECCIÓN CULTURAL