O técnico de Normalización Lingüística do Concello de Carballo é un dos organizadores da Praza dos Libros
22 ago 2014 . Actualizado a las 07:00 h.A semana que vén, do xoves 28 ao domingo 31 celébrase en Carballo a Praza dos Libros. Presentacións, actividades infantís, xogos e sobre todo literatura e a bo prezo son os ingredientes dun programa que se desvela esta mañá en rolda de prensa. Nel Vidal é un dos organizadores da cita.
-¿Quen foi Ramón Caamaño?
-Pode haber máis. Pero eu coñecín a un fotógrafo muxián.
-¿Verbena ou foliada?
-Con moita diferenza a foliada. -¿A que dolmen lle chaman a catedral do megalítico?
-Creo que é a Dombate.
-¿Cal é o último faro que se construíu en Galicia?
-Non sei se no porto exterior, se contan como faros... Non sei, digo Fisterra por dicir un.
-¿Cando foi a última vez que puxo unha lavadora?
-Esta mesma semana.
-¿Cal é o punto máis occidental de Galicia?
-Está aí, aí. Pode estar en Fisterra, pero máis ao norte está outro saínte que lle fai competencia.
-¿Un defecto?
-A timidez por dicir un, entre moitísimos outros.
-¿De que castelo foi dono Rui Soga Mariño de Lobeira?
-Supoño que do de Vimianzo.
-¿Que poeta andaluz lle dedicou un poema á Barca?
-García Lorca. Que esta semana foi o aniversario do seu asasinato. Vin por aí que hai algún libro de texto que escribiu «murió cerca de su casa».
-¿En que lle gusta pasar o tempo das vacacións?
-Poder non facer nada. Nunca estiven unha semana enteira tirado na praia, por exemplo. Non sei se me gustaría, pero si experimentalo.
-¿Cantos anos ten Avelina Mouzo, a avoa da Costa da Morte?
-Sei que máis de cen, andará polos 107.
-¿Un soño por cumprir?
-Se cadra ter tempo e capacidade para escribir ou facer algo creativo.
-¿Onde está o pazo de Romelle?
-Non coñezo o pazo, pero sei que Romelle está en Zas.
-¿Praia téxtil ou nudista?
-Eu son de usar bañador.
-¿Onde naceu o almirante Mourelle?
-En Carnota, creo.
-¿Licor café ou caipirinha?
-Licor café, aínda que tamén me gusta a caipirinha. Teño un problema agora que é que me afecta a cafeína. Así que lles pido aos produtores de licor que o fagan descafeinado. Coñezo máis potencial clientela.
-¿Onde prefire rematar o Camiño? ¿En Fisterra ou en Muxía?
-Fíxeno unha vez até Santiago. Pero gustaríame continualo até Fisterra. Supoño que polo significado histórico do fin do Camiño.
verano sin tregua