O fisterrán lerá mañá o pregón da XXIII Festa do Longueirón e é un dos organizadores do I Encontro Pirata
01 ago 2014 . Actualizado a las 07:00 h.Verso, disfraz, teatro e retranca. Paixón de Roberto Traba e de calquera con sangue fisterrá. O I Encontro Pirata serve para reunilo todo nunha fin de semana.
-¿Por que actividade humanitaria destacou O Rubio de Camelle?
-Salvou a varias persoas de morrer afogadas.
-¿Verbena ou foliada?
-A estas alturas, de foliada.
-¿Cal foi o primeiro faro electrificado de España?
-O de Fisterra, ao mellor.
-¿Cando foi a última vez que puxo unha tixola ao lume?
-Onte pola noite quentei un pavo con coles de Bruxelas que fixo a sogra.
-¿Cal é o produto máis famoso do verxel de Bergantiños?
-A pataca.
-¿Un defecto?
-A mala hos...
-¿Cal é o punto máis occidental de Galicia?
-Metro adiante, metro atrás, o de Fisterra. Que me perdoen en Muxía. O sentimento conta.
-¿Que templo podería ter o tellado de ouro se quixera?
-Seino, pero non o vou dicir. Pola guerrilla con Muxía...
-¿Que libro está lendo agora?
-Estou lendo varios sobre a alarma que no 1809 houbo sobre a invasión francesa na Costa da Morte. Estou escribindo algo sobre iso.
-¿Que dous lugares do Concello de Zas teñen nome de hortaliza?
-Allo e Cebola.
-¿Un soño por cumprir?
-Vivir sen traballar e dedicarme ao que me gusta. Porque non sei se chegarei a xubilarme xa.
-¿Onde morreu Fernando Blanco?
-En Cuba.
-¿Cantos anos ten Avelina Mouzo, a avoa da Costa da Morte?
-104.
-¿Praia téxtil ou nudista?
-Téxtil, as miñas intimidades gárdoas para a miña compañeira.
-¿Quen foi Evaristo Martelo?
-Soa a trobador, algo do castelo de Vimianzo.
-¿Churrascada ou sardiñada?
-Sardiñada. Posme nun conflito.
-¿Que traxedia acabou con Man, o alemán de Camelle?
-O Prestige. Debería sabelo todo o mundo.
-¿Mar ou río?
-Mar. Aínda que me encanta o río. Fixen o Camiño da Prata e é espectacular cruzar as pontes das cidades.
-¿Cómo se chama o bar de Carballo situado no edificio onde naceu Alfredo Brañas?
-(...)
-¿Onde prefire rematar o Camiño? ¿En Fisterra ou en Muxía?
-En Fisterra. E se pode ser tomando algo no bar A Galería moito mellor. (Ri.) Non se pode acabar en vinte sitios á vez. O nome é o nome. Onde acaban as cousas é onde ten a palabra Fin.
verano sin tregua