Pedro Pouso Lista leva varios anos colaborando na organización das festas de Camariñas, e este asumiu a presidencia, tanto das da Virxe do Monte como do Carme. As primeiras xa están aí, porque se celebrarán, coma sempre, o luns seguinte á Resurrección, que cadra ao día 21.
-¿Haberá algunha novidade?
-Non, mantemos o esquema de sempre. O domingo subirase a imaxe dende a capela do porto, o luns haberá actuacións de música tradicional na capela de arriba, e a festa estará abaixo, na praza do Mercado, con grupos e con discoteca móbil.
-¿E para o Carme?
-Xa temos practicamente todo listo. Actuarán París de Noia, Combo Dominicano, Marbella, Tequila, Sintonía de Vigo e dúas aínda pendentes.
-¿Dálle moito traballo? ¿A xente pórtase ben?
-Conseguir máis de 100.000 euros dá moito que facer, si. Pero a xente do pobo colabora moi ben, non hai queixa. E iso vale de moito.