AXENDA Actividades da diócese

XORNADA POLA FAMILIA E A VIDA

Mañá venres, día trinta, por coincidir este ano o derradeiro domingo co Nadal, celébrase a festa da Sagrada Familia e a Xornada pola Familia e a Vida, co lema ?Familia cristiá arraigada en Cristo?, co obxectivo de que nas distintas comunidades parroquiais de teña en conta esta celebración.

XORNADA POLA PAZ

O vindeiro domingo, día primeiro de ano, vaise celebrar a XLV Xornada pola Paz, baixo o lema ?Educar ós xoves na xustiza e na paz?. Con este motivo, o Papa Benedicto XVI fixo publica unha mensaxe.

EXERCICIOS ESPIRITUAIS PARA XOVES

A Delegación Diocesana de Infancia e Xuventude organiza, do dous ó catro de xaneiro, unha quenda de Exercicios Espirituais para xoves de dezasete a trinta e cinco anos. Esta quenda de exercicios espirituais vai ter lugar na Casa Diocesana de Miño. Para máis información ir a https:// deleinxumf.blogspot.com

DÍA DO CATEQUISTA NATIVO

O Día de Reis, seis de xaneiro, a Delegación Diocesana de Obras Misionais Pontificias organiza o Día do Catequista Nativo co lema ?Envíovos a todo o mundo?

XORNADA MUNDIAL DO EMIGRANTE E DO REFUXIADO

O domingo, día quince de xaneiro, celébrase a Xornada Mundial do emigrante e do refuxiado, baixo o lema ?Saiamo ó encontro... abramos portas?. A súa Santidade Benedicto XVI fixo pública unha mensaxe co gallo desta Xornada.

OCTAVARIO DE ORACIÓN POLA UNIDADE DOS CRISTIÁNS

Do dezaoito ó vinte cinco de xaneiro vai ter lugar o Octavario de Oración pola Unidade dos Cristiáns que organiza a Delegación Diocesana de Ecumenismo. O tema deste ano é: ?Todos seremos transformados pola vitoria do Noso Señor Xesucristo?. Este tema está baseado na primeira carta de San Paulo ós Corintios (1Cor 15, 51-58)

XORNADA DA INFANCIA MISIONEIRA

O penúltimo domingo de xaneiro, día vinte e dous, vai celebrarse a Xornada da Infancia Misioneira, que organiza a Delegación Diocesana de Obras Misionais Pontificias. O lema deste ano é: ?Cos nenos de América... falamos de Xesús?