FARAGULLAS Día dos sen teito

DÍA DOS SEN TEITO

Cáritas, xunto con FEANTSA Europa (Federación Europea de Organizaciones Nacionales que trabajan con Personas Sin Hogar) celebra, no marco da Campaña Ninguén sen Fogar 2010-2015, a súa campaña anual co lema "Todos somos cidadáns. Ninguén sen fogar". Esta Xornada vai ter lugar o domingo, día vinte e sete de novembro. Salvargardar os dereitos das persoas sen fogar é vital. É unha necesidade, non un luxo. Non é unha cuestión dos dereitos da minoría contra os dereitos duns poucos. O xeito como un país trata ós máis débiles reflicte a súa abordaxe dos dereitos humanos. Entre as moitas actividades que se van levar adiante co gallo desta Xornada, Cáritas Diocesana de Mondoñedo-Ferrol vai realizar un Flasmob hoxe, día vinte e catro de novembro, ás doce horas na Praza de Armas de Ferrol.

CEA BENÉFICA

A Coordinadora de Confrarías da Semana Santa de Ferrol organiza, ás nove e media da noite de pasado mañá, sábado, día vinte e seis, unha cea benéfica a prol de Cáritas Diocesana de Mondoñedo-Ferrol. Vai ter lugar no Hotel Almirante e o custe da mesma é de vinte euros. Durante a cea van sortearse diversos agasallos doados por casas comerciais da cidade e actuará, de xeito desinteresado, o grupo musical Urtica. Poden retirarse as entradas en Cáritas Diocesana, no Hotel Almirante e na Libraría Chamorro.

ELECCIÓNS NO MOSTEIRO DAS CONCEPCIONISTAS DE MONDOÑEDO

O pasado día dez deste mes de novembro tivo lugar, no Mosteiro da Purísima Concepción de Mondoñedo, da Orde da Inmaculada Concepción, a elección canónica da Madre Abadesa, da Vicaria e da Discreta, polas Monxas vocais do Mosteiro, capitularmente congregadas, baixo a presidencia de Gonzalo Folgueira Fernández, Vicario para a Vida Consagrada. Observados os requisitos do Dereito, foi elexida Abadesa Sor María Rosa Casais Iglesias. Unha vez feita a elección e non habendo ningún impedimento, o Presidente do Capítulo proclamou elexida canonicamente a Sor María Rosa Casais Iglesias. A continuación as vocais proceden á elección da Vicaria, resultando elexida Sor María de la Luz García Abella, e da Discreta sendo elexida Sor María de la Concepeción Rivera Barreiro, ás que, ó non haber ningún impedimento, o Presidente do Capítulo proclamou como elexidas canonicamente.

NOVO NÚMERO DE ?AMENCER?

O Seminario Santa Catarina de Mondoñedo e a Asociación Cultural Amigos de "Amencer" veñen de publicar o número 214 da revista escolar Amencer. Este número, que corresponde ós meses de setembro-outubro, é o primeiro deste curso escolar e está dedicado na súa maior parte a Nicomedes Pastor Díaz Corbelle, alumno que foi do centro mindoniense, xa que o pasado día quince de setembro cumpríronse os douscentos anos do seu nacemento na cidade de Viveiro. Despois dunha breve biografía do autor, reprodúcese toda a obra galega do escritor vivariense que, aínda que breve, é importante polo momento en que é producida, en plenos Séculos Escuros. Na sección "Falamos con...", entrevístase ó Cronista Oficial de Viveiro, Carlos Nuevo Cal. Remata a revista coas habituais seccións "A carón do lume", "Faise saber..." e "Chispa". Antes das vacacións do Nadal sairá o número 215, xa que neste curso a revista volve a ser bimensual.