Análise das imaxes de Aguiño como reflexos do seu carácter

La Voz

PORTO DO SON

O arquiveiro municipal, Antonio Otero, ofrecerá un relatorio

20 ene 2017 . Actualizado a las 05:00 h.

Hoxe • Conservatorio de Aguiño • 20.30 horas • As fotografías poden servir, ademais de para inmortalizar momentos, para reflectir o carácter dun pobo. Este será precisamente o tema que esta tarde analizará Xosé Antonio Otero Sobrido, historiador e arquiveiro municipal, na charla que impartirá con motivo do arranque da Semana Cultural Francisco Lorenzo Mariño, coa que se lle pretende render homenaxe ao cura con motivo do aniversario do seu falecemento. Para apoiar o seu relatorio sobre as imaxes de Aguiño, contará coas instantáneas achegadas por Antonio Parada Mariño, Chicho de Marcos e Manuel Paz García.

Logo será un veciño da localidade, o músico Álex Millet Alba, o que poña o colofón ofrecendo un pequeno concerto. As actividades continuarán mañá, coa tradicional ofrenda floral no cemiterio de Porto do Son, onde está enterrado o cura.