Os nacionalistas quixeron darlle un aire novo á lista electoral
06 may 2015 . Actualizado a las 05:00 h.O BNG de Muros afronta neste intre unha ruptura na súa formación. Pese a iso, o candidato á alcaldía, Manuel García (Muros, 1983), séntese moi satisfeito pola acollida da militancia, tanto na colaboración dos simpatizantes, como na implicación dos afiliados para formar parte da candidatura. O aspirante nacionalista quixo darlle un aire renovador á lista electoral e foi no sector xuvenil onde a receptividade e o afán por axudar foi aínda maior.
-¿A que aspira o BNG nestas eleccións?
-A gobernar o Concello de Muros, pois só dese xeito se poderá mudar a situación de declive actual e levar adiante o programa con que nos presentamos aos comicios.
-¿Cales son os eixos de actuación que propón para Muros o Bloque?
-Queremos democratizar e facer transparente a acción de goberno, lograr o desenvolvemento económico do municipio co apoio dos sectores produtivos e do comercio, e acadar un turismo sostible e non estacional. Débese dar un pulo ás políticas sociais, reactivar a cultura, o deporte e o conxunto dos servizos.
-¿Cree posible, a curto prazo, mudar a actual situación de crise no municipio?
-É complicado pero posible. Para iso fai falla a colaboración de tódolos sectores produtivos, sensibilidades políticas, axentes sociais e a axuda institucional. Si remamos todos na mesma dirección, non hai dúbida de que a situación mudará en breve.
MANUEL GARCÍA CABEZA DE LISTA Do BNG DE MUROS
Un libro: Designio
Unha película: A Esmorga
Un espazo: O Curro da Praza
Un político: Francisco Jorquera
Unha cidade: Pontevedra
Unha comida: Chuletón de tenreira
Un deporte: Fútbol da costa
Un personaxe histórico: Castelao Unha canción: Canto moderno
Un desexo: Revivir Muros
la carrera hacia el 24-m