Os nenos tampouco lle teñen medo á chuvia e molláronse na festa da espuma
19 sep 2014 . Actualizado a las 17:17 h.Rianxo prepárase para cantar a Rianxeira, pero mentras non chega a hora máxica das dúas da mañá os protagonistas son os cativos, que tamén saben gozar das festas de Guadalupe. Os nenos demostraron que non lle teñen medo ningún á chuvia e molláronse na festa da escuma.
A carpa que se instalou na praza Castelao serviu de abrigo para os inchables e os obradoiros para os máis pequenos. A sesión infantil interrompeuse para a sesión vermú pero ao longo da tarde volverán os xogos para os rapaces.