1. O seu mellor momento para a lectura. Pola noite, cando o mundo está en completo silencio.
2. Criterios que segue para a escolla dun libro. Porque escoito falar del. Tamén a visita a tendas de segunda man mirando o título, pola portada...
3. Que lle aporta a lectura? Non só pasar o tempo, pois axiliza a mente e mellora a expresión. E esa relación íntima coa obra e cos seus personaxes.
4. Os seus libros favoritos. Agora estou enganchado a Canción de hielo y fuego, de G. Martin. Tamén gocei de Lolita, de Nabokov; ¿Sueñan los androides con ovejas eléctricas?, de K. Dick; La naranja mecánica, de A. Burgess; Crónicas Vampíricas, de Anne Rice...
5. Un xénero literario. Quédome coa fantasía épica.
6. Un personaxe e un espazo literario.
Álex, de La naranja mecánica; a Terra Media, de Tolkien.
7. Que está a ler agora? Fausto Eric, de Terry Pratchett.
8. Un autor en galego e outro noutra lingua. Álvaro Cunqueiro e Anne Rice.
9. Que actividades, amais da lectura, ocupan o seu lecer? Cine e series de televisión. Os estudos e os amigos.
10. Unha paisaxe na Barbanza digna de libro. Moitas, pero a fervenza da Madanela... ou a Curota.