Impúxose 5-1 ao Monte Porreiro e xa é cuarto
29 nov 2016 . Actualizado a las 05:05 h.O primeiro plantel da sección de tenis de mesa do Liceo Casino, o Vilagarcía Cocinas Bulthaup, comeza a asomar o seu nome no listado de candidatos á vindeira fase de ascenso á Superdivisión española. Cun triunfo o pasado sábado sobre o Monte Porreiro, rival directo na zona media-alta da clasificación, por un 5-1 non tan contundente coma puidera semellar polo tanteador final.
Voltar a dispoñer do catalán Ramón Mampel resultou o factor clave na que foi a cuarta vitoria en seis partidos do cadro arousán. Sergei Nigeruk arrincou o encontro endosándolle un 3-0 a Ignacio Fernández, iniciando o encadeamento dos cinco puntos que lle deron o partido ao equipo local: Andrés Correa 3-2 Lawal Adiodum, Mampel 3-1 Santiago Prieto, Nigeruk 3-1 Abiodum, e Mampel 3-1 Fernández. Prieto, cun 2-3, conseguiría o tanto da honra ante Correa.
O San Sebastián de los Reyes é agora o líder do Grupo 1 da División de Honra cun 5-1, co Irún Leka Enea segundo con 5-0, o E. Otero terceiro con 5-1, e cuarto o Vilagarcía C.B. con 4-2.