Competirán Lamprea Explosiva, Canto Crú, Leda Atómica, Skalingrado e Os Vacalouras
01 jul 2016 . Actualizado a las 05:00 h.Hoy • 21 horas • Vilagarcía • Praza da Peixería • 3 euros • Maila que as xornadas centrais serán as do 19, 20 e 21 de agosto, o festival Revenidas arrinca de feito hoxe, a partir das 21.30 horas, na praza da Peixeria de Vilagarcía, coa final do terceiro concurso de grupos emerxentes.
Cinco foron as bandas que lograron acadar esta final e que polo tanto subirán esta noite ao escenario. Dúas chegan dende Vigo, Lamprea Explosiva e Os Vacalouras; outra dende Ourense, Skalingrado; e as outras dúas teñen procedencia arousán, Leda Atómica, de Cambados e Canto Crú, de Vilagarcía.
Tras escoitalos o xurado decidirá a banda gañadora do concurso, que recibirá un premio de 400 euros e que ademais tocará o domingo 21 de agosto no festival.
Os asistentes participarán na votación do premio do público, consistente no deseño exclusivo e a entrega de 50 camisolas deseñadas por Caramuxo e Rei Zentolo.
O prezo da entrada é de 3 euros e sortearanse dous bonos para os 3 días do festival.