Rut Otero, do Breogán do Grove, e Jorge Diéguez, do Náutico Pontecesures, foron bronce en Pontevedra nos barcos dobres
30 jun 2016 . Actualizado a las 05:05 h.O Campionato de Europa de Maratón pechaba onte o seu programa máster multiplicando por dous o número de medallas arousás. Con sendos bronces da breoganista Rut Otero, no K-2 Muller 40-44 xunto con Araceli Menduíña (Ría de Aldán), e de Jorge Diéguez, do Náutico Pontecesures, no K-2 50-54 formando dúo con Javier Maquieira (Ría de Pontevedra).
A partir de hoxe comeza a parte central do programa do Europeo. Hoxe, coa participación da sanxenxina Lara Outón e do madrileño Noel Domínguez no C-1 Xuvenil, ambos do Breogán do Grove. Mañá, coas padexeiras das Torres Catuxa Fabeiro e Fátima Ordóñez no K-2, e Yerai García e David Mochales, do P. Illa de Arousa, no C-2, pechando o programa xuvenil. O sábado con Tono Campos no C-1 Sénior. E o domingo el mesmo e os seus compañeiros do Breogán José Sánchez e Nuria Villacé no C-2 e no K-2 Sénior, co illense Ramón Ferro rival de Tono polo título continental.