Os dous caeron nos seus respectivos encontros de inicio de ano ante rivais directos na zona baixa da clasificación
18 ene 2017 . Actualizado a las 05:05 h.Mal arrinque de ano o dos dous equipos arousáns na Primeira División Masculina de baloncesto. Co Meco-Rafonca Portas e Automatismos caendo 59-70 a mans dun rival directo por eludir a fase de permanencia, o Viña do Campo. E co Sigaltec perdendo 74-56 cun adversario do mesmo nivel, o Pavimentos Noia.
O Meco-Rafonca chegaba ao choque en inmellorables condicións. Logo de recuperar os numerosos xogadores lesionados sen os que tivera que cubrir practicamente toda a primeira volta, os homes de Manu Bello chegaron o pasado sábado por diante no electrónico do Monte da Vila ao descanso, 34-30. Na segunda parte, pola contra, o cadro de Ribadavia impuxo o seu ritmo, e cun parcial de 13-23 no terceiro cuarto, comezou a marcar diferenzas. Cayetano, con 10 puntos, foi o máximo anotador meco.
Así as cousas, o Sigaltec continúa pechando a clasificación do Grupo Sur da Primeira División cun balance de 3 triunfos e de 6 derrotas, o mesmo có do Meco-Rafonca, penúltimo, e có do Viña do campo.