O iudoca arousán busca en Croacia medalla na categoría de M3 en menos de 60 quilogramos
23 jun 2016 . Actualizado a las 05:05 h.Ata Porec, Croacia, se desprazou o presidente do Judo Club Senín, Andrés Senín. O seu obxectivo, facerse cunha das tres medallas en xogo na categoría M3 (menos de 60 quilogramos) no Campionato de Europa de Veteráns que hoxe comeza para prolongarse ata o domingo.
O arousán competirá mañá, como parte da ampla representación de españois en Porec, ata onde se desprazaron 29 iudocas hispanos. A cita, que abrangue desde as categorías M1/F1 (competidores de 30 a 34 anos) ata M11/F11 (máis de 80 anos), congrega a un total de 813 iudocas, 702 masculinos e 111 femininos, de 38 estados diferentes.