La carta de los vecinos afectados de Valdeflores, en Xunqueira, a los políticos

La Voz VIVEIRO / LA VOZ

VIVEIRO

"A saída das augas desbordadas imposibilitou que algunhas familias puideran saír da súa casa ata as 10 da mañá do luns"

20 nov 2018 . Actualizado a las 15:03 h.

En relación cos sucesos acaecidos na tarde noite do domingo e madrugada do luns, con inundacións do río Xunqueira e a morte da nosa veciña e socia Amparo, e diante da situación na que está actualmente o cauce do río, queremos clarificar a nosa postura e reclamacións ao respecto.

Con relación as declaracións “dalgúns políticos” nos medios de comunicación botando balóns fóra e dicindo que a limpeza do río non era a culpable do sucedido, achacándoo soio a razóns meteorolóxicas, dicir que esta afirmación non é certa, é só unha desculpa de mal pagador.

Porque tódolos anos se remite unha carta a Medioambiente, a Augas de Galicia e ao Concello de Viveiro, pedindo unha limpeza do río antes dos temporais do outono, advertindo ao mesmo tempo das consecuencias para os veciños de non facelo: atranco nas pontes e inundacións, que suceden tódolos anos pero non tan graves como esta; a ultima foi a principios de decembro do ano pasado. A tan só uns centos de metros, máis arriba do río, vese claramente que houbo un atranco de árbores e un almacenamento considerable de auga que ao romper ocasionou unha vaga de auga que rompeu muros, garaxes, a presa do río da curtiduría do século XVII e todo iso achaiou a parte baixa do río no barrio vello en Xunqueira.

A auga por elo desplazouse á rúa paralela arrasando vehículos dun garaxe e de aparcamentos que tamén foron un obstáculo á saída das augas desbordadas, que imposibilitaron que algunhas familias non puideran saír da súa casa ata as 10 da mañá do luns.

Na situación actual do río Xunqueira, entre a ponte da carretera e a ponte medieval, está só a 20 cm de desbordarse cara a rúa colindante e inundar as casas que están máis baixas cá rúa. Se os pronósticos metereolóxicos se cumpren, volveríamos ter outro problema, por eso PEDIMOS a Augas de Galicia, organismo responsable, que draguen de forma urxente o río nesa zona e que desatranque o cauce de árbores caídos na parte superior do río.

Queremos agradecer o comportamento do Concello de Viveiro, bombeiros, protección civil, policía, e a todos aqueles organismos que axudaron aos veciños durante o día de onte e de hoxe. Tamen os noso agradecementos aos políticos e aos medios de comunicación, que tratamos de atender da mellor forma posible.

Queremos dar o pésame aos fillos e familiares de Amparo, esperando que non volva pasar nada parecido, e lembrando que era unha persona moi apreciada e querida en todo o barrio. E por ultimo agradecer aos veciños que a pesar do sucedido, afrontaron a desgracia e axudaron limpando e arranxando na medida do posible as desfeitas sucedidas. Tamén queremos recordar que o Concello de Viveiro ten unha oficina de reclamacións que estará aberta durante un mes, e aconsellamos aos socios e veciños que faigan efectivas as súas reclamacións o antes posible. A Asociacion fará as reclamacións oportunas diante do Concello e de Augas de Galicia o antes posible.

Xunta directiva da AA.VV. Valdeflores.