O restaurante Nito de Viveiro, galardoado en múltiples ocasións, suma agora máis especializacións no servizo hostaleiro ao cliente. Alejandro Balseiro, que tomou o relevo de seu pai á fronte do veterano e valorado negocio, vén de obter unha mención honorífica xunto con outro viveirense, Francisco Chao, nun curso de sumiller que o Instituto Galego do Viño organizou en Santiago, celebrado na Cidade da Cultura.
-¿Foi moi intenso este curso?
-Durante un ano. Foron 700 horas teórico-prácticas e outras 400 máis de práctica. Había días nos que catábamos 30 ou 40 viños. As clases foron todos os luns durante 12 horas. Levantábamonos ás seis da mañá e chegábamos sobre as once da noite.
-¿En que pode percibir o cliente ese tipo de especialización?
-Mellórase en coñecemento sobre o café e no tema de viños á hora de maridar coas comidas. Unha comida pode ser moi boa pero non estar acorde co viño, pode comer a comida ao viño ou á inversa. Sempre hai que intentar buscar un equilibrio entre os dous.
-Sabendo que viveu o Nito dende neno, permítame algo de humor. ¿Non sería dos que lle mollaban o chupete en bo viño?
-(Ri) Case case... Pero neste tipo de cursos apréndese moitísimo. E dímonos conta de que Galicia ten un potencial enolóxico tremendo. Non sabemos ben o que temos, como para competir co borgoña que ten moita fama. Temos un potencial tanto coma ese tipo de viño. No curso vemos viños de Chile, Arxentina, Sudáfrica, Austria, Alemania... tocamos moitos paus.
-¿Algún en especial deses internacionais que lle causara unha grata impresión ou sorpresa?
-Gustanme os ice wine austriacos porque buscan a pacificación da uva, son doces e teñen bastante acidez.
-No día a día do restaurante, ¿o cliente sabe de viño ou busca o asesoramento do sumiller?
-Hai de todo, pero en xeral a xente ten riojitis e ribeiritis. Ata agora, estamos intentando saír delas e dar viños máis modernos. O primeiro paso é sempre abrir a mente e probar outras denominacións de orixe. No Nito temos referenciados preto de 200 viños. A maridaxe é importante. Tratamosde armonizar sacando os típicos clichés, porque mariscos se poden degustar con algúns viños tintos e carnes con algúns blancos. No curso, de todos modos, non só vemos viños, tamén cafés, aguas, chocolates, tabaco e cervexa con Hijos de Rivera. Directivos de Estrella Galicia estiveron con nós neste curso.
alejandro balseiro responsable do restaurante nito en viveiro