Mondoñedo amplía un mes máis o prazo para axudas a rehabilitación de vivendas
MONDOÑEDO
Alcanza a inmobles situadao no casco histórico da localidade así como nos barrios históricos de San Lázaro e Os Muíños
04 feb 2016 . Actualizado a las 05:00 h.O Concello de Mondoñedo amplía nun mes o prazo de solicitude de axudas públicas destinadas á rehabilitación de edificios e vivendas situadas no casco histórico da localidade así como nos barrios históricos de San Lázaro e Os Muíños.
En concreto, a alcaldesa do municipio, Elena Candia, asinou onte á mañá o decreto a través do que se acorda a ampliación do prazo, que comezará a contar a partir do día seguinte a data da súa publicación no Boletín Oficial da Provincia (BOP).
As bases reguladoras e a convocatoria de subvencións para a Área de Rexeneración e Renovación do Casco Histórico de Mondoñedo e Barrios Históricos de San Lázaro e Os Muíños publicáronse no BOP de 7 de decembro de 2015. Nelas establécense os criterios a cumprir para a concesión destas axudas enmarcadas no acordo de comisión bilateral asinado entre Fomento, o IGVS e o Concello de Mondoñedo.