Doce centros educativos da Mariña participan neste novo proxecto educativo para lembrar a figura e a obra do intelectual chairego
11 may 2016 . Actualizado a las 05:00 h.Durante cinco anos as bibliotecas de doce centros educativos da Mariña desenvolveron un proxecto conxunto para fomentar a lectura nas familias. O proxecto deste ano titúlase Os soños de Manuel María e persegue dar a coñecer e valorar a figura deste escritor e intelectual lucense. No Teatro Pastor Díaz de Viveiro quedou inaugurada onte a exposición co mesmo nome, que poderá ser visitada ata o día 13, entre as 18.00 e as 20.00 horas.
Participan neste proxecto o EEI San Roque, CEIP Pedrosa Latas, CEIP Plurilingüe de Covas, CEIP Plurilingüe Santa Rita, CEIP Plurilingüe Pedro Caselles, CEP Lois Tobío, CEIP de Cervo, CEIP do Vicedo, IES Vilar Ponte, IES María Sarmiento, IES Illa de Sarón e IES Perdouro.