O público da Mostra poderá disfrutar des tres días con actividades moi diferenciadas. A apertura do programa será mañá mesmo, venres 31, cun concerto folk do grupo Bágoas da Terra ás 22:30 horas, na Praza Maior.
O sábado 1 iniciarase a xornada coa inauguración das actividades culturais paralelas aos espectáculos de danza. Ás 13 horas, na Biblioteca Municipal, abriranse as dúas exposicións Pintura catalá do século XX e Encontros nas rúas de Viveiro, que consta de acuarelas sobre a vila. Ese mesmo día habera audicións musicais polas rúas da cidade. Ás 20:30 horas terá lugar a Mostra Folklórica Infantil, onde participan grupos da comarca (Saíñas de Xove, Os do 21 do Vicedo, Xilbarbeira de Boiro, Bágoas da Terra de Viveiro e a Escola de Folclore de Santa Marta de Portuzelo, de Portugal).
O domingo, día 2 de agosto, será a gran Gala Internacional ás 20.30 horas. Aglutinará grupos provenientes de catro continentes. A entrada de todos estes espectaculos é gratuita.