Localizan cinco grupos de petroglifos non catalogados en Pantón

No inventario arqueolóxico do municipio non figura ningunha inscultura rupestre
Os gravados encóntranse en rochas das parroquias de Espasantes e Acedre

• Autor del comentario:

  Francisco Albo

  Localidad:

  monforte

• ImprimirVolver

CARLOS RUEDA

?inco conxuntos de petroglifos non inventariados ata agora foron localizados en días pasados en diversos puntos do municipio de Pantón. Catro destes grupos de gravados rupestres foron localizados na parroquia de Espasantes, nas proximidades do castro do mesmo nome. O restante está labrado nunha pedra que foi cortada hai tempo para utilizala como material de construción e que se conserva nunha casa da parroquia de San Román de Acedre.

Os gravados de Espasantes foron localizados por Alfonso Campos, profesor de Escola de Música do Concello de Sober e investigador afeccionado do patrimonio histórico, cando percorría a zona en compañía de Carlos Rueda, experto en sendeirismo e colaborador deste periódico. Os petroglifos encóntranse nos lugares de Torre do Castro, Vilaxilde e A Cariza e son do tipo coñecido como coviñas ou cazoletas, consistente en pequenas incisións circulares praticadas sobre a rocha. O conxunto máis importante, o da Cariza, está formado por 38 cazoletas. En Torre do Castro apareceron dous grupos diferentes, formados por un pequeno número de incisións. As figuras gravadas na pedra de San Román de Acedre ofrecen un deseño de tipo circular.

A estes achados súmase a localización dunha pequena pía, unha cavidade escavada nunha rocha situada no lugar de Torre do Castro, onde teñen aparecido diversos indicios da existencia dun asentamento castrexo romanizado. Este elemento foi encontrado por Brais González Álvarez, un xove veciño de Vilaxilde de 13 anos, que lle indicou a súa existencia a Alfonso Campos.

No inventario do patrimonio arqueolóxico de Pantón incluído no proxecto do Plano Xeral de Ordenación Municipal non figura ningún destes gravados rupestres. «En realidade, no inventario non está sinalado ningún petroglifo en todo o municipio», indica Alfonso Campos. «É curioso que non se investigase ata agora este patrimonio, porque o escritor Leandro Carré Alvarellos xa sinalou hai bastantes anos que había petroglifos en diversos lugares de Pantón», engade.