CULTURAO Salón de Outono de Sarria incluirá varias conferencias sobre a emigración

• Autor del comentario:

  Localidad:

• ImprimirVolver

A exposición do Salón de Outono do Grand Palais de París está aberta ao público no Mosteiro da Mercé desde o pasado martes 18 de xullo, aínda que a inauguración oficial será este xoves 27 de xullo. Ademais da mostra de arte de máis de oitenta artistas de todo o mundo, nesta segunda edición o programa será máis completo, xa que haberá conferencias, actuacións musicais, teatrais e moita poesía.

O día da inauguración, que terá lugar ás 21.00 horas no Mosteiro da Mercé, actuará o grupo Pepe Baamonde. Ademais, instalarase unha pantalla onde se proxectará a páxina multimedia que creou Xesús Quintana. Trátase dun traballo sobre o Camiño de Santiago desde O Cebreiro ata Sarria. O venres haberá tres conferencias ás 19.00 no NH Alfonso IX. Sixirei Paredes falará sobre Emigración e Globalización , Regalado sobre O Homo Viator: Hospitalidade e Emigración no Camiño de Santiago , e Espiña Gamallo achega de Peregrinos (Per Agra): Palmeiros e Romeiros, de Xerusalén e Roma a Santiago .

O grupo teatral Auliga ofrecerá unha actuación o 4 de agosto baixo o título Lectura e Actuación Dramática . Será no mosteiro da Mercé ás 19.30. O 11 haberá unha mesa redonda ás 19.00, Poética e Plástica , a cargo de Penas, Fernán-Vello, Aullón de Haro, Cajade Frías, D'Olhaberriague e Domínguez Rei. O 17 actuarán a soprano Florence Normier, o violinista Xavier Comesaña e a pianista Lorena Dapena. O concerto será na Iglesia dos Mercedarios ás 18.00.

Para rematar, o 18 haberá dúas conferencias no NH Alfonso IX. Barreiro Rivas ofrecerá a charla As Peregrinacións a Santiago, ou Primeiro Intento de unir Europa , e Portas Ferro, Poesía Galega non Camiño (Himnos Litúrxicos e Letras de Cantos Xacobeos) . Ademais, organizouse un taller de plástica. Os interesados poden inscribirse no NH Alfonso IX.