Pesca deportiva en Ons e Sálvora

TRIBUNA PÚBLICA
| O |

• Autor del comentario:

  CELESTINO PARDELLAS

  Localidad:

• ImprimirVolver

UN PARQUE nacional é a máxima expresión de protección medioambiental, estamos de acordo, pero para protexer non é necesariamente prohibir e moito menos cando, os que prohiben, non teñen o máis mínimo dato sobre o que prexudica ou beneficia o prohibido.

Paso dende hai 30 anos a época estival en Ons, illa á que acoden nese tempo máis de mil persoas diarias domingueros ou non, e a miro moi limpa. No caso de prohibir algo serían as gaivotas que acoden en masa as papeleiras e contedores de lixo e no seu afán devorador, desparraman polo chan todo tipo de desperdicios que despois o vento encárgase de esparexer.

Noutra orde, Ons ao igual que as demais illas do parque, foron e aínda son un viveiro pesqueiro e marisqueiro que só acabará con el outro Prestige ou a superexplotación da pesca profesional.

Pesca profesional

Os encargados de prohibir din que a pesca profesional, é dicir, miles de nasas, trasmallos, betas, miños... centos de barcos a gasoil, aceites... miles de kilos de chumbo nas redes, nasas, boias... e un longo etcétera, é unha pesca compatíbel coa conservación dos fondos mariños do parque e polo tanto cunha xestión sostíbel deste. Pola contra aseguran que uns pescadores deportivos cunha cana ou un arpón poden danar o fondo mariño e desequilibar a fauna e flora, ¡incrible!

Os deportivos, ante semellante incongruencia, pedimos ás diferentes administracións datos que certifiquen semellante barbaridade. Podo asegurar que nin o ministerio, nin as Consellerías de Medio Ambiente e Pesca, nin a propia Dirección de Parques Nacionais, teñen nin o máis mínimo dato sobre a pesca deportiva nos que basearse para facer semellante prohibición.

As persoas que dende hai máis de 50 anos visitan as Illas, soían pescar maragotas, pintos, polbos, muxes..., que non están en perigo de extinción. Esta actividade deportiva que emprega técnicas artesanais, se se regula adecuadamente, sí é compatíbel coa conservación dos fondos mariños do parque nacional.