As experiencias gays e lésbicas, tema dunha exposición no Auditorio

A proposta, producida pola concellaría de Cultura, é pioneira e inédita na Península
Entre as obras figuran un debuxo de García Lorca e fotografías de Blanco Amor

• Autor del comentario:

  Localidad:

  c. p. | data

• ImprimirVolver

O Auditorio de Galicia inaugurará o vindeiro martes unha exposición inédita e pioneira polo tema que aborda: o mundo das experiencias gays e lésbicas na arte, as representacións, reflexións e investigacións que se teñen feito arredor desta realidade a nivel artístico.

Producida pola concellaría de Cultura compostelá, presentase co título Radicais libres. Experiencias gays e lésbicas na arte peninsular , e poderase ver ata o 10 de xullo como unha proposta montada con criterios historiográficos que reúne obras plásticas realizados ao longo do pasado século en diferentes soportes.

A mostra intégrana obras de 28 artistas españois e portugueses de recoñecidas e exitosas traxectorias nalgúns casos, e que en ningún caso se descobren pola súa presenza nesta exposición. Son creadores, como suliña o comisario da montaxe, Xosé Buxán, «que fixeron da homosexualidade unha fonda marca na súa creación artística», e que, como di o concelleiro Néstor Rego, «vistos desde as obras nas que explicitan unha sexualidade que rompe as amarras do conservadurismo estético». Son, en calquera caso, obras e pensamentos que tiveron lugar en diferentes anos, en diferentes experiencias e contextos, como di tamén Buxán.

Segundo explican os responsables da mostra, no percorrido están reunidas sensibilidades como a orientalizante de Morcillo, de principios do pasado século, ata a mirada canalla, pornográfica e desestabilizante de Nazario, pasando pola visión sucia e onanista de Pedro Gomes fronte ao cántico espiritual que proclama Pepe Espaliu en El nido . A mostra empeza cunha parte dedicada a obras que reivindican a simboloxía gay, con pezas de Joao Pedro Vale e mesmo un debuxo de García Lorca. E a que xira arredor da loita en torno á sida, con obras de Miralles, Araújo e Pérez Quiroga. E mesmo cadros que falan do sexo ritualizado coma o que se mostra de Pérez Villalta, e a poética que Nuno Alexandre lles atopa a pornografía baixada de Internet. Tamén se mostran creacións de Del Pozo Barriuso, Roberto González e Badiola, e fotografías de Blanco Amor.

Esta exposición e unha mirada de liberdade, «un proxecto para a acción, non para a metáfora meliflua e adormecedora» cara unha arte que existe e está aí desde sempre, como asegura o comisario, que tamén reflexiona sobre as razóns polas que este tema non se ten abordado desde outras institucións artísticas: «Teremos que botar man das pinturas de Pompeia para abrirlles os ollos ao respecto do asunto da calidade». Lembra que espíritos tan importantes para a historia da humanidade como Miguel Anxo, Leonardo ou Caravaggio «fixeron da súa propia experiencia homoxesual un turbador tornado de sabedoría universal».