Suso de Toro presenta «Outra idea de España» como desafío ao diálogo

• Autor del comentario:

  Localidad:

  c. p. | santiago

• ImprimirVolver

O escritor Suso de Toro presentou na feira do Libro de Santiago o ensaio Outra idea de España, que acaba de sacar en galego Edicións Xerais, como un desafío persoal dende Galicia «para repensar a idea de nación como espazo aberto ao diálogo».

O autor pecha unha «triloxía inesperada», como definiu o editor, Manuel Bragado, as reflexións e interpretacións que reuniu, trala conmoción xeral ocasionada pola catástrofe do Prestige, en Nunca máis Galiza á intemperie e en Españois todos .

De Toro asegurou que, despois da presentación desta obra, gustaríalle «pasar a segundo plano, retirarme para continuar coa novela que quedou interrompida».

Interrogantes

Pero o horizonte das eleccións galegas ábrenlle interrogantes como «se vamos seguir atrapados no tempo» e a maneira de buscar que a realidade mude.

A conciencia «do poder da palabra para intervir e cambiar a realidade», e que nas últimas décadas perdéronse cousas «como a de asociar a idea de España a cousas boas», movérono a escribir este ciclo, do que a terceira entrega pretende «recuperar a cultura do antifranquismo no contexto de hoxe».

E porque «non só se pode pensar España dende Madrid, propoño unha idea alternativa tan lexítima como a deles», afirmou.

Se servirá para que dende Madrid vexan Galicia doutra forma dixo que é «unha das intencionalidades deste libro, porque que un galego, en galego e dende aquí opine de España e da convivencia nacional fai visible Galiza como nacionalidade».