O Estradense recupera o liderato no difícil campo do San Adrián

• Autor del comentario:

  Localidad:

• ImprimirVolver

? Estradense soubo adaptarse o domingo á perfección ao terreo de xogo máis pequeno da categoría para levarse os 3 puntos en xogo fronte ao San Adrián (0-1) e recuperar con eles o liderato do Grupo 4 da Primeira Rexional.

Se ben é certo que nin un nin outro equipo xeraron grandes accións ofensivas ante as porterías rivais, tamén o é que os homes de Eduardo Carregal controlaron o esférico e o ritmo do encontro durante 80 dos 90 minutos do mesmo, mercede sobre todo a unha gran presión. As lesións de Iago e de Rivas, que tiveron que ser substituídos no minuto 65, obrigaron o técnico bermellón a mover parte das súas fichas sobre o campo, o que deu pé a uns momentos iniciais de certa desorientación que, nembargante, o San Adrián non aproveitou nin sequera para aproximarse con perigo á meta do Estradense.

O único tanto da tarde chegou no minuto 25. José Ramón recibe o balón na liña de tres cuartos, céntrao a Unai, que se leva a un defensa e se interna un par de metros na área local para subir o 0-1 cun tiro cruzado.

O San Adrián quedouse con dez a outros tantos minutos do remate, facilitándolle ao Estradense o punto e final.