Malo, malo, malo eres...

NO OUTEIRO
| O |

• Autor del comentario:

  CARLOS VÁZQUEZ

  Localidad:

• ImprimirVolver

E CHEGOU a cantante Bebe a Lugo e deunos unha clase maxistral. Adaptando dúas das súas cancións, chegou nunha noite fría e logo de ouvíla o arrecendo da terra mollada deixou un aire máis respirable. O máis sobresaínte do que dixo -e foi dabondo-, é que aplaudiramos menos e que pensaramos máis. Ten toda a razón. Soaban os primeiros acordes do seu tema máis coñecido: «Malo, malo, malo eres, no se daña a quien se quiere, no; tonto, tonto, tonto eres, no te pienses mejor que las mujeres», cando o público rompía en aplausos. A bo seguro para agradecerlle que os cambios sociais van máis axiña grazas ás cancións e aos músicos críticos coma ela. Pero nesas que vai e manifesta non estar do todo leda coa Lei Integral contra da violencia de xénero. Porque nela non se fai referencia aos homes, que tamén hainos que sofren maltratos e vexacións. Bebe estaba así referirse ao asunto máis controvertido da lei, o da discriminación positiva. Dixo e dixo moi acertadamente que «a lei debe ser igual para todos, sen distinción de sexos». Sobre todo matizado que o que había é que estar contra de calquera tipo de violencia, veña de onde veña. Aplauso.