Perder o medo

TRIBUNA
| O |

• Autor del comentario:

  CARLOS VÁZQUEZ

  Localidad:

• ImprimirVolver

ESE FOI o berro ó unísono das actrices participantes. O sábado pasado, cando aínda estabamos a refregar os ollos pola masacre ocorrida en Madrid, Cristina del Valle dixo en Lugo que «había velos que se ven e outros que non». A cantante estábase a referir ó drama que viven as mulleres maltratadas. Porque non todo o que vemos, por duro que sexa, constitúe xa o conxunto da realidade. Hai máis. A Plataforma de Mujeres Artistas puxo en escena o espectáculo Ellas dan la nota. As circunstancias obrigaron a compartir: o pesar polas mulleres asasinadas a mans dos seus homes, coas vítimas do terrorismo internacional. Por iso, Inma Serrano aludiu a que a mesma plataforma protestara in situ contra a guerra de Iraq. Dixo que «agora a tortilla (do sufrimento) deuse a volta». Pero quen máis deixou ver a súa dor polo 11-M foi Mercedes Ferrer, quen tivo que sacar forzas do público para entoar. Del Valle, pola súa parte, lembrou que estiveran en Israel e en Ramala para pedir a Paz. Porque, recordemos, as mulleres son as grandes perdedoras das guerras. O espectáculo pedía para que dunha vez se lexisle unha lei integral contra a violencia de xénero.