Unha exposición percorre a evolución da fotografía en Galicia no século XIX

A montaxe producida polo Centro Galego de Artes da Imaxe está aberta ata xaneiro en Santiago
As fotos reunidas por Xosé Enrique Acuña proceden de coleccións, arquivos e museos.

• Artistas pioneiros e precursores dunha novidade que é imparable

• Autor del comentario:

  Concha Pino santiago

  Localidad:

• ImprimirVolver

1/3

Anterior | Siguiente

As salas de exposicións da Universidade de Santiago, no pazo de Fonseca e na Igrexa da Compañía, amosan a evolución da fotografía en Galicia do século XIX cun percorrido pola prehistoria da imaxe que aporta unha ampla visión da vida social e económica galega que avanza cara á modernidade.

A mostra, Fotografía en Galicia no século XIX , está producida polo Centro Galego de Artes da Imaxe, dependente da Consellería de Cultura. O comisario da montaxe é Xosé Enrique Acuña, que fixo unha selección de trescentas fotos representativas da aplicación que tivo un invento que chega a Galicia polo ano 1843 e que dá conta do traballo de pioneiros e precursores.

As fotografías desta exposición, moitas delas inéditas, forman parte de coleccións privados, arquivos históricos, bibliotecas, museos e entidades que as cederon para este montaxe que documenta graficamente o nivel de desenvolvemento dun dos inventos de máis repercusión sociocultural e á sociedade galega con toda a diversidade xeográfica, humana, cultural, social e económica.

No pazo de Fonseca están reunidas, nun apartado denominado A luz universal , as fotografías que reflicten a evolución de Galicia dende o Antigo Réxime, a vitalidade da sociedade urbana e mercantil, a riqueza monumental e a paisaxe urbana e rural. Nesta sala pódense ver arredor de 150 fotos que amosan o dinamismo dos portos da Coruña e Vigo, da Universidade de Santiago, balnearios, o traballo científico, o progreso e a memoria.

Moitos destes documentos dan testemuño de feitos coma o derrube da torre de Caldas a golpe de pico por un grupo de obreiros; ou da primeira foto que se coñece da Catedral de Santiago, feita por Andrés Cisneros. E novidosas achegas como as primeiras fotos que aparecen en prensa, entre as que está á da primeira redacción do xornal la Voz de Galicia e un retrato do fundador deste periódico, Juan Fernández Latorre, cos directivos, en 1896.

Na Igrexa da Universidad está a Galería de retratos , na que non só figuran persoeiros ilustres como Eduardo Pondal, Murguía, Emilia Pardo Bazán ou Andrés Gaos senón a da única imaxe que se conserva do poeta Aurelio Aguirre, morto traxicamente na praia do Orzán da Coruña en 1857, ademais de moitas persoas anónimas e homes ligados o mundo do comercio e da empresa. O máis salientable é comprobar de qué maneira posaban, cando o referente era a pintura, e as modas en canto a roupas e aspecto.

O director do CGAI, José Luis Cabo, anuncia para xaneiro do 2004 un catálogo que inclúe máis fotos das que están na exposición, para a que seleccionaron unha media de tres por cada unha das coleccións representadas, e un catálogo de fotógrafos galegos.