20 oct 2011 . Actualizado a las 06:00 h.
A decisión da Consellería de Cultura de desconvocar as axudas para asociacións e fundacións de carácter cultural foi mal recibida por parte dos colectivos culturais, que consideran que a decisión afectará sobre todo ás asociacións que traballan na cultura de base. Algúns colectivos, como Espazo Lectura, fixeron público o seu rexeitamento a esta medida sinalando que moitas asociacións «quedarán en situación de desamparo pola falta de axuda».
Segundo a consellería, as axudas volverán ser convocadas no 2012 procurando que o prexuízo para os colectivos sexa o mínimo, pero tendo en conta a situación económica actual e contando que a redución presupostaria será mínima no ano próximo.