Rogelio Conde-Pumpido Director xeral de Promoción Científica do Sistema Universitario «Hai que esixir á universidade cada vez máis a rendibilidade da investigación que fai»

O director xeral de Promoción Científica do Sistema Universitario asegura que a Xunta aportou nesta lexislatura, por enriba do plano de financiamento, entre 60 e 65 millóns ás tres universidades.

?Se o plano actual é tan malo, ¿por que non se negociou nestes tres anos?

?Había un plano recentemente firmado e acadado con certo consenso coas universidades, que xeraba unhas expectativas no seu financiamento, e que non parecía oportuno revisar tan pronto en aras da estabilidade.

?¿Parecéronlle oportunistas as declaracións dos vicerreitores nacionalistas criticando a falta de cartos?

?O plan de financiamento é responsabilidade de Educación, pero tamén de Innovación [do BNG], e este ano o Goberno investiu un 51% máis en investigación do que recollía o plan, polo que o debate non é necesario.

?¿O novo plan vai avaliar máis ás universidades?

?O plan está por formular, pero en principio non pode ser doutra maneira. A crítica que facemos ao actual é a carencia de mecanismos de optimización do sistema, polo que hai que incrementar os mecanismos de financiamento asociados a obxectivos cuantificables e a indicadores de eficiencia docente, transferencia ou internacionalización.

?Incentívase investigar, ¿pero non debería incentivarse investigar ben?

?Hai que esixirlle ás universidades cada vez máis a valorización e a rendibilidade da investigación que desenvolven. No contexto actual deben priorizar a súa capacidade científica dunha maneira sostible, e comprometida co desenvolvemento económico.

?A crise chegará ao 2009, ¿vaise negociar o plan neste contexto?

?Nun contexto desfavorable tanto os xestores do Goberno como os das universidades temos a responsabilidade de reformular os obxectivos de financiamento e as prioridades do propio sistema.