polémica polos chabolistas Os veciños de Novo Mesoiro volven manifestarse e provocan grandes retencións de tráfico

Ao redor duns 300 veciños da urbanización Novo Mesoiro, na Coruña, volvéronse a concentraar na Avenida de Alfonso Molina, para protestar contra os posibles realojos de chabolistas do poboado de Penamoa, provocando uns 3,5 quilómetros de retencións. A protesta, continuación da realizada a pasada madrugada, comezou sobre as 19:00 horas á altura do centro comercial Carrefour.

Os veciños corean frases como «Losada , escoita, Mesoiro esta en loita», «Que veña Mar Barcón (concelleira da Coruña) e cómase este marrón». Os veciños teñen previsto continuar as mobilizacións ata que se lles garanta que non se producirán realojos, entre elas unha marcha convocada para as 20.00 horas de mañá entre a Praza de Ourense e a de María Pita.

As protestas dun grupo de veciños deste barrio coruñés tomou forza a semana pasada, tras empezar a circular o rumor de que varias familias xitanas, procedentes da zona Penamoa, ían ser trasladadas ás vivendas de protección oficial desa nova urbanización, que acolle a máis de 2.000 familias.

O alcalde, Javier Losada , asegurara esta mañá que non se vai a reacoller a ningún veciño de poboados chabolistas» nesta urbanización, á vez que pediu «prudencia e tranquilidade aos veciños»