ALIMENTOS O Banco Mundial afirma que a crise alimentaria continuará ata o 2015

O presidente do Banco Mundial, Robert Zoellick, afirmou hoxe en México que a crise alimentaria mundial continuará ata o 2015 cos prezos elevados dos grans, que descartou poidan recuperar os niveis do 2004.

En rolda de prensa con motivo da súa visita á capital mexicana, considerou urxente que todos os países modifiquen as súas políticas de produción alimentaria co fin de garantir a subministración dos grans básicos ás poboacións.

Ademais, instou a que as nacións a buscar unha nova xeración de bioombustibles con materiais procedentes da celulosa.

«Esperamos un repunte da oferta de alimentos que permita frear os prezos entre 2009 e 2010», dixo Zoellick, quen compareceu ante os medios xunto co ministro de Facenda de México, Agustín Carstens, tras asinar un préstamo por 205 millóns de dólares para apoiar o programa sobre o cambio climático.

O funcionario do organismo internacional agregou que actualmente existe un debate sobre o uso de grans e produtos agrícolas, como o millo en Estados Unidos e a cana de azucre en Brasil, para promover a produción de combustibles biolóxicos sen encarecer os prezos dos alimentos.

Explicou que os mercados internacionais detectaron os riscos que implican os aumentos dos prezos internacionais de grans, pero as autoridades e os gobernos tomaron medidas para impulsar a produción agropecuaria, en particular nas zonas máis atrasadas.

Zoellick sinalou que a institución que dirixe convocou a todos os países socios a establecer un fondo de urxencia de 750 millóns de dólares para apoiar ás nacións que teñan problemas de abasto de alimentos. Agregou que entre os requisitos que establecerá o Banco Mundial será que os países conten con redes de protección ás poboacións marxinadas.