ascenso O Victoria ascende facendo un pleno ao quince na liga

O Victoria é novo equipo da Primeira Autonómica feminina. é o premio adiantado (aínda quedan catro xornadas nas que as coruñesas deberán xogar tres partidos) por facer pleno ao quince na Segunda Autonómica. E é que o conxunto que prepara Toni Prado conta os seus partidos por vitorias. Quince duelos gañados nos que marcaron 91 goles, repartidos entre 16 futbolistas. En contra, só cinco dianas, o que dá unha media de recibir un tanto cada cinco partidos.

Unhas cifras conseguidas por un equipo que debuta este ano na categoría, pero que xa conta con experiencia de xogar anteriores tempadas no Gaiteira. O 80% do actual persoal do Victoria procede do outro club de fútbol modesto da cidade. Problemas a pasada tempada coa directiva do Gaiteira provocou o cambio de bando das xogadoras xunto ao seu adestrador.

E así chegaron ao Victoria «con ganas de xogar ao fútbol e ascender». E conseguírono. A ese 80%, Toni Prado uniu un 20% «de mozas moi jovencitas que estaban no club, que xa tiña intención de saír na categoría cun equipo». E así se configurou un persoal que ten en Rosado á súa muller gol con 20 dianas; e en Vanesa e Ana Pampín dous referentes de experiencia.

Os mellores partidos

Un conxunto que xoga ben ao fútbol e marca moitos goles, como o pasado domingo, día que certificaron o seu ascenso cun contundente 9-0 fronte ao Balouta. Un duelo que, como a maioría dos que finalizaron con goleada, Toni Prado pretende gardar nun caixón para destacar aqueles máis difíciles nos que o Victoria deu mostras da categoría das súas xogadoras.

«Este ano quédome coas vitorias fronte ao Val por 3-0 ou contra o Milagrosa de Lugo por 2-0. Foron partidos máis complicados e nos que ofrecemos mellor imaxe», explica o técnico coruñés.

Agora, cando o equipo aurinegro xa ten o ascenso asegurado, tratará de finalizar a tempada gañando os tres encontros que lle quedan nas catro xornadas que faltan para acabar a liga. Posteriormente, a Copa agarda nunha tempada na que «o obxectivo está cumprido», pero que o adestrador non renuncia a gañar o torneo do k.?ou. no que sería o aperitivo do próximo ano en Primeira.